Fransada “Milli birlik” Partiyasından prezidentliyə namizəd Marin Le Pen seçkilərdə qalib gələcəyi halda ölkənin Şimali Atlantika Alyansından (NATO) çıxacağını açıqlayıb.
“Biz öz maraqlarımızı müstəqil şəkildə müdafiə etməli, hərbi bloklar məntiqindən çıxmalıyıq. Buna görə də, bizi bundan sonra başqalarının münaqişələrinə çəkə bilməsinlər deyə NATO-nun birləşmiş komandanlığından çıxacağıq”, – deyə o bildirib.
Bildirək ki, Fransada prezident seçkiləri 2022-ci ilin aprelində keçiriləcək. Prezidentliyə namizəd Marin Le Penin Emmanuel Makrondan tamamilə fərqli baxışları var. Marin le Pen qloballaşma əleyhinədir və Fransanın Avropa Birliyindən çıxması məsələsilə bağlı referendum keçirmək istəyir.
