İtalyan mütəxəssis Karlo Ançelottinin maş məşqçisi olduğu “Real Madrid” komandası tarixində 35-ci dəfə İspaniya çempionatının qızıl medallarına yiyələnib.

YALAN.info bildirir ki, kral klubu yubuley çempionluğunu La Liqada sona 4 tur qalmış əldə edib. XXXIV turda “Espanyol”u qəbul edən paytaxt təmsilçisi 4:0 hesabı ilə qalib gəlib.

“Santyaqo Bernabeu” stadionunda keçirilmiş qarşılaşmada qolları 33-cü və 43-cü dəqiqələrdə Rodriqo, 56-cı dəqiqədə Marko Asensio və 81-ci dəqiqədə Kərim Benzema vurub.

Bununla xallarını 81-ə çatdıran “Real Madrid” ən yaxın izləyicisi “Sevilya”nı 17, potensial izləyicisi “Barselona”nı 18 xal geridə qoyub.

“Kral klubu”na rəhbərlik edən Karlo Ançelotti isə “Böyük beşlik” ölkələrinin çempionu adını qazanan ilk baş məşqçi olub. 63 yaşlı mütəxəssis daha öncə İtaliyada “Milan” (2003/2004), İngiltərədə “Çelsi” (2009/2010), Fransada PSJ (2012/2013), Almaniyada “Bavariya” (2016/2017) komandalarına bu uğuru yaşadıb. 

LaLiga CHAMPIONS celebrations on the BERNABÉU pitch! | Real Madrid
MƏNBƏReal Madrid CF
Öncəki xəbərRusiya Qələbə paradında az sayda texnika və əsgər nümayiş etdirəcək
Sonrakı xəbər“Trabzonspor” 38 il aradan sonra yenidən Türkiyə çempionu oldu
YALAN.info Online Xəbərlər və İnformasiya Saytı Azərbaycan, eləcə də Bütün Dünyanın Siyasi, İqtisadi, İdman, Mədəniyyət və Texnologiya Yeniliklərini Yayımlayır. Hər Zaman Ən Son Yalanlardan YALAN.info-da Xəbərdar Ol!

1 AÇIQLAMA

BİR CAVAB YAZ

Buyurun, açıqlamanızı yazın!
Buyurun, adınızı bura yazın