“Netflix”in Cənubi Koreya istehsalı olan “Kalmar oyunu” (Squid Game) serialı YouTube-da məşhurluğuna görə HBO-nun “Taxt Oyunları”nı (Game of Thrones) serialını geridə qoyub.
YALAN.info Onlayn Xəbərlər və İnformasiya Saytı bildirir ki, videohostinqdə Cənubi Koreya teleseriallarının məzmununda pərəstişkarları tərəfindən yaradılmış rəsmi treylerlər və kliplər də daxil olmaqla müxtəlif uzunluqda toplam 129 minə yaxın video var. Noyabrın 10-na olan məlumata görə, bu məzmunun ümumi baxış sayı 17 milyardı ötüb. Bundan başqa, istifadəçilər videoya bəyənmə və şərhlər daxil olmaqla 533 milyon qarşılış veriblər.
Eyni zamanda HBO hiti sayılan “Taxt Oyunları” üçün 420 000 video yaradılıb. Bununla belə, 10 il boyunca toplam baxış sayı 16,9 milyard olub. Reaksiya sayına görə də amerikan serialı geridə qalır: bütün videoların altında 233 milyon bəyənmə, bəyənməmə işarəsi qoyulub və şərh yazılıb.
Qeyd edək ki, “Kalmar oyunu” maddi çətinliklərini həll etmək üçün adaya yollanan və sağ qalma oyunlarına qatılan personajlardan bəhs edir. Onlar 40 milyon dollar qazanmaq üçün uşaqlıqda oynadıqları altı oyunu uğurla başa vurmalıdırlar. Rəqabətə tab gətirməyib uduzanlar isə ölürlər.
Squid Game has officially reached 111 million fans — making it our biggest series launch ever! pic.twitter.com/SW3FJ42Qsn
— Netflix (@netflix) October 12, 2021
Ekran işi premyerasından 25 gün sonra 111 milyon baxış sayı toplayıb. Bu o deməkdir ki, “Squid game” ilk dörd həftədə 82 milyon baxış toplayan ABŞ-ın “Bridgertons” serialını qabaqlayıb.
