Gürcüstanda hakim “Gürcü Arzusu” Partiyasının icraçı katibi İrakli Kobaxidze bildirib ki, parlament seçkilərinin ikinci turunun ilkin nəticələrinə görə, üzvü olduğu partiya bütün birmandatlı dairələrdə qalib gəlib.
YALAN.info Onlayn Xəbərlər və İnformasiya Saytı bildirir ki, “RIA Novosti” agentliyinin xəbərinə görə, İ.Kobaxidze bunu mətbuat nümayəndələri üçün keçirilən brifinqdə bəyan edib.
“Səsvermənin ilkin nəticələri ilə bağlı məlumatlarımız var. Gözlənildiyi kimi, “Gürcü Arzusu” partiyasının namizədləri 17 dairənin hamısında qalib gələrək parlamentə mandatı alıblar. Bu səbəbdən növbəti parlamentdə “Gürcü Arzusu” 90 millət vəkili ilə təmsil olunacaq”, – deyə İ.Kobaxidze söyləyib.
O əlavə edib ki, müxalifətin ikinci tur seçkilərini boykot etməsinə baxmayaraq, Gürcüstanın yarım milyondan çox vətəndaşı seçkilərin ikinci turunda iştirak edib.
