Çin xarici işlər naziri Vanq Yi ABŞ dövlət katibi Entoni Blinkenlə telefon danışığı zamanı bildirib ki, Birləşmiş Ştatlar Pekin Qış Olimpiya Oyunlarına müdaxilə cəhdlərini dayandırmalıdır.

YALAN.info Onlayn Xəbərlər və İnformasiya Saytı bildirir ki, bununla bağlı məlumat Çin Xarici İşlər Nazirliyinin saytında yayılıb.

“İndi ən önəmli məsələ ABŞ tərəfinin Pekin-2022 Qış Olimpiya Oyunlarına müdaxiləni dayandırmasıdır”, – deyə Çin XİN başçısı bildirib.

Yada salaq ki, ABŞ Çində milli azlıqların hüquqlarının pozulmasını əsas gətirərək Qış Olimpiadasını boykot etdiyini açıqlamışdı. ABŞ bu idman yarışına rəsmi nümayəndə heyəti göndərməyəcəyini bəyan edib. Birləşmiş Ştatların bu addımını Böyük Birtaniya, Avstraliya, Kanada və başqa ölkələr dəstəkləyiblər.

Pekin-2022 Qış Olimpiadası fevralın 4-dən 20-dək keçiriləcək. Azərbaycandan fiqurlu konkisürənlər Vladimir Litvintsev və Yekaterina Ryabova olimpiadaya lisenziya qazanıblar.

Öncəki xəbərQırğızıstan Tacikistanla sərhədyanı kəndlərdən əhalini təxliyə edir
Sonrakı xəbərMələkxanım Eyyubovanın qızı: Anam müğənni olmağımı istəmədi
YALAN.info Online Xəbərlər və İnformasiya Saytı Azərbaycan, eləcə də Bütün Dünyanın Siyasi, İqtisadi, İdman, Mədəniyyət və Texnologiya Yeniliklərini Yayımlayır. Hər Zaman Ən Son Yalanlardan YALAN.info-da Xəbərdar Ol!

BİR CAVAB YAZ

Buyurun, açıqlamanızı yazın!
Buyurun, adınızı bura yazın