Azərbaycan 2003-cü ildən başlayaraq xammal resurslarından ən çox gəlir götürən ölkələr arasında qərarlaşıb. Bununla bağlı Fitch Ratings beynəlxalq reytinq agentliyinin məlumatını yayan ANS PRESS-dən bildirilir. “İqtisadi artımı, fiskal effektivliyi və 2003-cü ilin ixrac gəlirlərini nəzərə alaraq Boliviya, Peru, Azərbaycan və Fil Dişi Sahili (Côte d’Ivoire) xammal resursları qiymətlərindəki sıçrayışdan ən çox qazanan ölkələrdir, Bəhreyn, Qabon, Venesuela və Surinam isə ən az gəlir əldə edən dövlətlərdir”, – deyə hesabatda bildirilir.
Agentliyin analitiklərinin hesablamalarına görə, inkişafda olan xammal ixracatçı-ölkələrin ümumi fiskal gəlirləri 2013-cü ildən fərqli olaraq bu il 1,3 trilyon az olacaq.
Fitch Ratings qeyd edir ki, iqtisadiyyatı xammal ixracı əsasında qurulan inkişafda olan ölkələrin mərkəzləşdirilmiş xərcləri 2000-ci illərin ortalarından ÜDM-də 5%-ə qədər artsa da, 2012-ci ildən ÜDM-də 2%-ə qədər azalıb.
Hazırda Rusiya neft hasilatına görə dünya birincisidir. Səudiyyə Ərəbistanının gündəlik neft hasilatı 2016-cı ilin I rübündə 10,3 milyon barel, Rusiyanınkı isə 10,8 milyon barel olub. Üçüncü yerdə ABŞ-dır. Bu ölkənin günlük hasilatı hazırda 9 milyon barel ətrafında dəyişir.
