Avstraliyanın xarici işlər naziri Maris Peyn Ukrayna hadisələrinə görə 67 rusiyalıya qarşı yeni sanksiyalar elan edib.
YALAN.info bildirir ki, bununla bağlı Peyn bəyan edib: “Bu gün mən Rusiya elitasının və oliqarxiyasının 67 üzvünə qarşı əlavə sanksiyalar elan edirəm”.
Bildirilib ki, Avstraliyada 7 aprel tarixindən Rusiyadan dəbdəbəli malların, o cümlədən zərgərlik, qızıl, şərab, nəqliyyat vasitələri, xəz və başqa malların tədarükünə qadağa qoyulması ilə bağlı qərar qüvvəyə minib.
Payn deyib ki, Avstraliya indi Rusiyanın bank sektorunun əksəriyyəti və ölkənin suveren borcuna cavabdeh olan bütün qurumlar da daxil olmaqla 600-ə yaxın fiziki və hüquqi şəxsə sanksiya tətbiq edib.
