Azərbaycanlı yunan-Roma güləşçi Eldəniz Əzizli bu gün Macarıstanın paytaxtı Budapeştdə keçirilən Avropa Çempionatında final görüşünə çıxıb.
YALAN.info bildirir ki, 55 kq çəki dərəcəsində rəqib gürcüstanlı Dünya Çempionu Nuqzari Tsurtsumia olub. Görüş Əzizlinin qələbəsi ilə sona çatıb – 8:2.
Beləliklə, 30 yaşlı pəhləvan karyerasında ikinci dəfə Avropa Çempionu olub. O, ilk belə çempionluğu 2018-ci ildə qazanıb. Həmin il Əzizli həm də Dünya Çempionu olub.
Azərbaycanın yunan-Roma güləşçiləri günü 4 medalla başa vurub. Yığma üzvlərindən Eldəniz Əzizli (55 kq) qızıl, Taleh Məmmədov (63 kq) gümüş, Sənan Süleymanov (77 kq) və İslam Abbasov (87 kq) bürünc medal qazanıb.
