Apple şirkəti MacBook Pro 13 notbukları və iPhone X smartfonlarındakı çatışmazlıqlarla bağlı açıqlama xarakterli məlumat yayıb.
YALAN.info Online Xəbərlər və İnformasiya Saytı RIA Novosti agentliyinə qaynaqlanaraq bildirir ki, bir sıra iPhone X modellərində displeyin bir komponentinin sıradan çıxması nəticəsində sensor ekranda problemlər yarana bilər.
İstehsalçı şirkət bildirib ki, smartfonlar toxunuşa cavab verməyə, ya da əksinə, heç toxunmadan işə düşə bilərlər.
Apple şirkətinin bildirdiyinə görə, bu problemi yaşayan alıcılar pulsuz ehtiyat displey ala bilərlər.
Bundan başqa, Apple şirkəti bəyan edib ki, 2017-ci ilin iyul ayından 2018-ci ilin iyun ayına qədər satışa çıxarılmış “MacBook Pro 13” modelli noutbukların sərt diskinin işində də problemlər yarana bilər. Şirkət qüsurların aradan qaldırılması üçün Apple-ın servis mərkəzlərinə müraciət etməyi önərib.
