ABŞ-ın dövlət katibi Entoni Blinken Vaşinqtonda İsrail və Birləşmiş Ərəb Əmirlikləri XİN rəhbərləri Yair Lapid və Abdullah bin Zayed əl Nəhyan ilə görüşüb.
YALAN.info Onlayn Xəbərlər və İnformasiya Saytı bildirir ki, İsrail və BƏƏ arasındakı münasibətlərin normallaşmasının ildönümünə həsr olunmuş görüşdən sonra ortaq mətbuat konfransı keçirilib.
Toplantıdakı çıxışı zamanı Blinken İranın nüvə silahı əldə etməməsi ilə bağlı ABŞ-ın başqa ölkələrlə eyni fikirdə olduğunu bəyan edib. O, zamanın azaldığını və İranın öz yolundan dönməyəcəyi halda diplomatiyaya alternativ başqa üsulların gözdən keçiriləcəyini bildirib.
Yair Lapid isə İranın hər ötən gün nüvə silahı əldə etməyə bir az da yaxınlaşdığı vurğulayıb. O, İsrailin müdafiə haqqını özündə saxladığını bir daha yada salıb və hər kəsin “başqa üsullar” ifadəsinin əsl mənasını anladığını vurğulayıb.
