Aleksandr Fomin: Rusiyanın təlimlərinin Azərbaycan-Ermənistan münaqişəsi ilə bağlılığı yoxdur

“Rusiyanın keçirdiyi təlimlərin Azərbaycan-Ermənistan münaqişəsi ilə heç bir bağlılığı yoxdur”.

Bu sözləri TASS agentliyinə açıqlamasında Rusiya müdafiə nazirinin müavini Aleksandr Fomin deyib. 

O bildirib ki, Rusiya ordusunun indiki fəaliyyəti “Qafqaz-2020” təlimlərinə hazırlıq məqsədi daşıyır:

“Bu yoxlama fəaliyyətləri planlı şəkildə həyata keçirilir və “Qafqaz-2020” strateji komanda-qərargah təliminə hazırlıqda önəmli mərhələdir”.

Qeyd edək ki, bu gün Azərbaycan Respublikasının Müdafiə naziri general-polkovnik Zakir Həsənovun təşəbbüsü ilə Rusiya Federasiyasının Müdafiə naziri ordu generalı Sergey Şoyqu ilə telefon danışığı olub.

Telefon danışığı əsnasında Rusiya Federasiyasının Müdafiə naziri ordu generalı Sergey Şoyqu general-polkovnik Zakir Həsənova Rusiya Silahlı Qüvvələrinin döyüş hazırlığının qəfil yoxlamaları tədbirləri haqqında məlumat verib.

Sergey Şoyqu bu tədbirlərin əvvəlcədən planlaşdırıldığını və heç bir halda Ermənistan – Azərbaycan sərhədində baş vermiş hadisələrlə bağlı olmadığını vurğulayıb.

YALAN.info

YALAN.info Online Xəbərlər və İnformasiya Saytı Azərbaycan, eləcə də Bütün Dünyanın Siyasi, İqtisadi, İdman, Mədəniyyət və Texnologiya Yeniliklərini Yayımlayır. Hər Zaman Ən Son Yalanlardan YALAN.info-da Xəbərdar Ol!

Bu Xəbərləri də Bəyənəcəksiniz

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir