Bir neçə gün öncə reket fəaliyyəti ilə məşğul olan Ata Abdullayev Dövlət Təhlükəsizliyi Xidmətinin əməkdaşları tərəfindən saxlanılıb. Dünən Səbail rayon məhkəməsinin qərarı ilə A.Abdullayev barəsində 4 ay müddətinə həbs qətimkan tədbiri seçilib.
YALAN.info Onlayn Xəbərlər və İnformasiya Saytı bildirir ki, Oxu.az-ın verdiyi məlumatlara görə, A.Abdullayev Cinayət Məcəlləsinin 182.2.2-ci (hədə-qorxu ilə tələb etmə; təkrar törədildikdə) maddəsi ilə ittiham edilir.
Araşdırmalara görə, Azərbaycan Respublikası Cinayət Məcəlləsinə uyğun olaraq, bu maddə ilə ittiham edilən şəxslər beş ildən on ilədək müddətə azadlıqdan məhrum etmə ilə cəzalandırılır.
Qeyd edək ki, A.Abdullayev 6 vətəndaşı şantaj edərək onlardan pul alıb. İstintaq gedişində zərərçəkmişlərin sayının artması istisna edilmir.
