Qazaxıstanın online aviabilet satışı və bütün dünya üzrə otel sifarişi üzrə internet xidmətlərindən biri olan “Chocotravel” yerli sakinləri sevindirməyə davam edib. Bu dəfə çəkiliş qrupu Qaraqanda şəhərində yoldan ötənlərə Azərbaycanın paytaxtı Bakı şəhərinə pulsuz səyahət təklif edib.
Çəkiliş qrupu Qaraqandanı çox gəzsə də, həmin anda asanlıqla bütün işlərini atıb Bakıya uçmaq istəyən tapa bilməyib.
İlk razı olan şəxsə evə gedərək xarici pasportunu götürmək imkanı verilib. Verilişin budəfəki buraxılışının qəhrəmanı isə Daniyar Tukubayev olub. O, Bakının bir çox gəzməli-görməli yerlərdi olub, təklifə razı olduğuna görə heç də peşman görsənməyib.
Sonda Daniyar bu gözəl fürsətə görə Chocotravel (www.chocotravel.com) və Air Astana şirkətlərinə çox sağ olun deməyi unutmadı.
Qaraqandalılara Bakıya pulsuz bilet və gəzinti təklif olundu
