1 milyondan çox Ukrayna vətəndaşı qanunsuz olaraq Rusiya Federasiyası ərazisinə aparılıb.
YALAN.info Ukrayna KİV-ə istinadən xəbər verir ki, bu barədə Kiyevdə keçirdiyi brifinqdə Ukrayna Ali Radasının insan hüquqları üzrə səlahiyyətli nümayəndəsi (Ombudsman) Lyudmila Denisova bildirib.
“1 milyon 185 mindən çox vətəndaşımız, o cümlədən 200 mindən çox uşaq qanunsuz olaraq Rusiya Federasiyasının ərazisinə aparılıb”, – o deyib.
Eyni zamanda, Ukrayna Baş Prokurorluğunun yaydığı məlumata görə, Rusiya Ordusunun Ukraynadakı hərbi əməliyyatları nəticəsində 225 uşaq ölüb, 413 azyaşlının isə yaralanıb.
Qurumdan verilən açıqlamada Rusiya bombardmanları nəticəsində 1635 təhsil müəssisəsinin zərər gördüyü, onlardan 126-nın tamamilə məhv edildiyi qeyd edilib.
