Azərbaycan millisinin futbolçusu Mahir Emreli Xorvatiyanın “Dinamo” (Zaqreb) klubunda növbəti oyununu keçirib.
YALAN.info bildirir ki, 25 yaşlı hücumçu 1-ci Liqanın XXXI turunda Zaqrebdə “İstra” ilə ev qarşılaşmasında start heyətində oyuna çıxıb.
Öncə oyunun 8-ci və 45+1-ci dəqiqələrdə Mislav Orşiç “Dinamo”nu önə çıxarıb. Mahir Emreli 50-ci dəqiqədə komandasının sonuncu qoluna imza atıb. Forvard 72-ci dəqiqədə Bruno Petkoviçlə əvəzlənib. Görüş meydan sahiblərinin 3:0 hesablı qələbəsi ilə başa çatıb.
Beləliklə, “Dinamo” bu qələbədən sonra xallarını 66-ya çatdıraraq zirvədəki yerini gücləndirib. 26 xalı olan “İstra” isə 9-cu sırada qərarlaşıb. Yada salaq ki, Mahir Emreli XXX turda “Riyeka”ya qarşı çempionat oyununda da fərqlənmişdi.
