Rusiyalı aktrisa Liya Axedjakova Rusiyanın başlatdığı müharibədən bezdiyini və Ukraynanın qələbəsindən sonra tez bir zamanda bu ölkəyə gəlmək istədiyini bildirib.
YALAN.info bildirir ki, bununla bağlı Rusyanın Xalq artisti Liya Axedjakova öz Instagram hesabında paylaşım edib.
“Mən bu müharibədən o qədər yorulmuşam ki, heç nəyi şərh etmək belə istəmirəm. Rusiyanın bu xəyali böyüklüyündən, “torpaqlarımız” uğrunda mübarizəsindən yorulmuşam. Mən Putindən yorulmuşam. Sülh, mehribanlıq və əmin-amanlıq istəyirəm. Mən insanları sağ, salamat və şən görmək istəyirəm”, – Axedjakova yazıb.
Bundan başqa, aktrisa vurğulayıb ki, ukraynalılar indi iki cəbhədə vuruşurlar: “Öz ölkələrini müdafiə edir və Putin rejimini boğulmağa və zəifləməyə məcbur edirlər”.
