Rusiyanın genişmiqyaslı müharibəsi başlayandan indiyədək Ukraynada 1 214 uşaq itkin düşüb.
YALAN.info bildirir ki, bununla bağlı Ukrayna Prezidentinin uşaq hüquqları və reabilitasiyası üzrə komissarı Daria Gerasimçuk brifinqdə deyib.
O, həmçinin bildirib ki, bu gün 90 uşaq axtarışdadır. Bundan başqa, onun sözlərinə görə, 2 389 uşaq Rusiya Federasiyası ərazisinə aparılıb.
Ukrayna Baş Prokurorluğunun məlumatına görə, müharibə başlayandan indiyədək 226 uşaq ölüb, daha 417-si yaralanıb.
