Amerikalı iş adamı, milyarder İlon Maskın (Elon Musk) sərvəti artıq 300 milyard dolları aşıb.
YALAN.info Onlayn Xəbərlər və İnformasiya Saytı bildirir ki, bu, İlon Maskın rəhbərlik etdiyi “Tesla” şirkətinin səhmlərinin bahalaşması sayəsində olub.
Qeyd edək ki, adıçəkilən qiymətli kağızlar artıq bir həftədən çoxdur ki, bahalaşmaqda davam edir.
Keçən həftə İlon Mask dünyanın ən varlıları sıralamasında tarixin ən varlı adamı oldu. Sonra onun sərvəti Tesla səhmlərində kəskin sıçrayışdan sonra ilk dəfə olaraq 270 milyard dolları ötdü. Milyarderin şirkətdəki 21 faizlik payı onun kapitalının əsas hissəsini təşkil edir. Bundan başqa, iş adamı qurduğu SpaceX kosmik şirkətində azlıq payına sahibdir.
Oktyabrın 25-də Teslanın bazar dəyəri ilk dəfə olaraq 1 trilyon dolları ötüb. Bu, əsas avtomobil icarəsi xidməti Hertz-in 100 000 Tesla elektrik avtomobili sifariş edəcəyini elan etməsi fonunda baş verdi. Bu sifariş dünyadakı bütün Hertz parkının 20 %-dən çoxunu təşkil edəcək. Bloomberg-in məlumatlı mənbələri bildiriblər ki, sövdələşmə Maskın şirkətinə 4,2 milyard dollar qazandıracaq. Agentliyin yazdığına görə, Hertzin sifarişi Tesla-nın indi bir il ərzində istehsal etdiyi həcmin təxminən 1/10 hissəsidir. Reuters bunu Tesla üçün ən böyük sifariş adlandırıb.
Agentlik qeyd edib ki, Mask avtomobil istehsalçısı ən azı 1 trilyon dollar kapitallaşması olan beşinci ABŞ şirkəti olub. Üstəlik, Tesla bu statusa çatmaqda ikinci ən sürətlidir. Bloomberg yazır ki, Facebook bunu daha sürətli etmişdi, ancaq indi onun dəyəri 1 trilyon dollardan azdır.
Elektromobillərin istehsalı ilə məşğil olan “Tesla”nın əsası 2003-ci ildə qoyulub. Şirkətin mənzil qərargahı ABŞ-ın Kaliforniya ştatının Palo-Alto şəhərindədir.
Ən varlı iş adamları reytinqində ikinci yeri Amazonun qurucusu Ceff Bezos tutur. Onun sərvəti 1,7 milyard dollar azalıb və indi 194,2 milyard dollar qiymətləndirilir.
Dünyanın ilk-3 ən varlı biznesmeni sıralamasını LVMH-nin rəhbəri Bernard Arno bağlayır. Onun kapitalı 189,9 milyard dollardır.
