Fransada bu ilin sonuna kimi daha yeddi məscidin bağlanmasına qərar verilib.
YALAN.info Onlayn Xəbərlər və İnformasiya Saytı bildirir ki, rəsmi qurumların məlumatına görə, bağlanan məscidlərdə “radikal islam” ideyaları təbliğ və müdafiə edilir.
Fransanın daxili işlər naziri Jerald Darmanin isə açıqlamasında vurğulayıb ki, yaxın günlərdə qapadılan məscidlərdən birinin icma üzvlərinin bank hesabları dondurulub.
Fransanın daxili işlər naziri həmçinin əlavə edib ki, prezident Emmanuel Makronun vəzifəyə başlamasından bu günə qədər ölkə ərazisində 13 islam dərnəyinin fəaliyyətinə xitam verilib.
