“Euronews” Şuşa şəhərində keçirilmiş V “Xarıbülbül” Beynəlxalq Folklor Festivalı ilə bağlı reportaj hazırlayıb.
YALAN.info bildirir ki, reportaj telekanalın saytında və kanalın “No Comment” layihəsinin sosial şəbəkə hesablarında yayımlanıb.
Video-materialda festivalda müxtəlif ölkələrdən musiqiçilər və rəqs kollektivlərinin, eləcə də Azərbaycanın müxtəlif bölgələrindən folklor kollektivlərinin iştirak etdiyi vurğulanıb.
Qarabağ bölgəsinin “rəsmi çiçəyi” kimi tanınan “Xaribülbül”ün (Ophrys caucasica) çiçəkləmə dövründə, yəni may ayında keçirildiyi bildirilib.
Yada salaq ki, Şuşa şəhərinin 270 illiyi ilə əlaqədar Azərbaycan Respublikasının Prezidenti İlham Əliyevin Sərəncamı ilə elan olunan “Şuşa İli”ndə keçirilən V “Xarıbülbül” Beynəlxalq Folklor Festivalı Heydər Əliyev Fondu, Mədəniyyət Nazirliyi və Şuşa Şəhəri Dövlət Qoruğu tərəfindən təşkil olunub.
