Baş nazir Əli Əsədov koronavirus (COVID-19) infeksiyasının yayılmasnın qarşısını almaq üçün Azərbaycan ərazisində xüsusi karantin rejiminin müddətinin uzadılması haqqında qərar imzalayıb.
YALAN.info Onlayn Xəbərlər və İnformasiya Saytı bildirir ki, bununla bağlı Azərbaycan Respublikası Nazirlər Kabinetindən məlumat verilib.
Qərara uyğun olaraq, koronavirus (COVID-19) infeksiyasının ölkə ərazisində yayılmasının, onun törədə biləcəyi fəsadların qarşısının alınması üçün Azərbaycan ərazisində xüsusi karantin rejiminin müddəti 2022-ci il martın 1-i saat 06:00-dək uzadılıb.
Qeyd edək ki, karantin rejiminin müddəti 2022-ci ilin yanvarın 1-də başa çatırdı.
