“Uşaqlara yaxınlaşan anda ayını güllələdim”. Bunu Reportun Şimal-Qərb bürosunun müxbirinə ötən gün Oğuz rayonunun Xalxal kəndinə hücum edən ayını zərərsizləşdirmiş kənd sakini Hafiz Şükürov deyib.

O bildirib ki, ayını Körpələr evinin həyətində uşaqlara yaxınlaşan anda vurub: “Mən ayını öldürməsəydim, bağçanın həyətinə girib uşaqları parçalayacaqdı. Əvvəl müxtəlif yollarla çalışdıq ki, ayını kəndin ərazisindən uzaqlaşdıraq. Lakin ac heyvan daha da aqressivləşib, sakinlərə hücum etməyə başladı. Ayı məndən 20 metrdən çox aralıda və artıq uşaqlara yaxınlaşırdı. Başqa əlacım yox idi – ya mən ayını vurmalıydım, ya da ayı uşaqları parçalayacaqdı. Hətta mən fikirləşmişdim ki, əgər ayını vura bilməsəm, o, daha da aqressivləşib uşaqlara hücüm çəkəcək”.

Qax rayonu Xalxal kənd Körpələr evinin müdiri Zərniyar Nəsibova bildirib ki, bağçada təhlükəli anlar yaşansa da, heç bir hadisə baş verməyib: “Həmin vaxt bağçada 27 uşaq var idi. Hamımız çox qorxduq. Ayı artıq çayı keçib bağçanın həyətinə girirdi. Yaxşı ki, Hafiz cəsarət edib, ayını vaxtında zərərsizləşdirə bildi”.

Xatırladaq ki, ötən gün Oğuzun Xalxal kəndinə ayı hücum edib. Sakinləri qorxuya salan yırtıcı heyvan kənd ərazisində mal-qaraya və Mercedes markalı avtomobilə ziyan vurub. Kənd sakini Hafiz Şükürov odlu silahla ayını öldürüb.

Öncəki xəbərKiril Molodsov: Rusiya nefti iki dəfə ucuzlaşdıra bilər
Sonrakı xəbərAzərbaycan cüdoçusu World Masters turnirində qızıl medal qazandı
YALAN.info Online Xəbərlər və İnformasiya Saytı Azərbaycan, eləcə də Bütün Dünyanın Siyasi, İqtisadi, İdman, Mədəniyyət və Texnologiya Yeniliklərini Yayımlayır. Hər Zaman Ən Son Yalanlardan YALAN.info-da Xəbərdar Ol!

BİR CAVAB YAZ

Buyurun, açıqlamanızı yazın!
Buyurun, adınızı bura yazın