Ukrayna Prezidenti Volodimir Zelenski Milli Qvardiyanın komandanı general-polkovnik Nikolay Balanı tutduğu vəzifədən azad edib.
YALAN.info Onlayn Xəbərlər və İnformasiya Saytı bildirir ki, uyğun fərmanlar Ukrayna prezidentinin saytında yayımlanıb.
Ukrayna Prezidenti Volodimir Zelenski orduda baş verən qanlı olaydan sonra Milli Qvardiyanın komandanı general-polkovnik Nikolay Balanı tutduğu vəzifədən azad edib və bu vəzifənin yerinə yetirilməsini müvəqqəti olaraq general-leytenant Yuri Lebedə tapşırıb.
Yada salaq ki, ötən gün Ukrayna Milli Qvardiyasında xidmət edən 20 yaşlı əsgər Ryabçuk Artemi Yuryeviç xidməti silahından hərbçi yoldaşlarına atəş açıb. Qanlı insident nəticəsində beş nəfər ölüb, beş nəfər yaralanıb.
