Amerika Kino Sənəti və Elmləri Akademiyası aktyor Uill Smiti “Oskar” mükafatlandırma mərasimi də daxil olmaqla, 10 il boyunca özünün keçirdiyi heç bir tədbirdə iştirakına icazə verməyəcək.
YALAN.info bildirir ki, bu bəyanatla Amerika Kino Sənəti və Elmlər Akademiyasının prezidenti Devid Rubin və qurumun baş direktoru Don Huds çıxış edib.
Hesabatda deyilir ki, 94-cü Akademiya Mükafatları mərasimi çoxsaylı insanların bayramı olmalı idi. “Ancaq bu anlar cənab Smitin səhnədə sərgilədiyi yersiz və zərərli davranışla pozuldu”, – bəyanatın mətnində vurğulanır.
Yada salaq ki, sonuncu “Oskar” mükafatlarının təqdimetmə mərasimi zamanı qalmaqal yaşanıb. Belə ki, səhnədə olan aktyor Kris Rok həmkarı Uill Smitin həyat yoldaşı Cada Pinkett-Smitin saçı ilə bağlı zarafat edib. Buna qarşılıq verən Uill Smit səhnəyə çıxaraq Rokun üzünə şillə vurub.
