26-29 may 2022 tarixlərində Bakıda “Bakı Kristal Zalı” və Dənizkənarı bulvar ərazisində “Teknofest Azərbaycan” Aerokosmik və Texnologiya festivalı baş tutub. “Teknofest Azərbaycan” çərçivəsində 8 kateqoriya üzrə texnologiya yarışmaları, “Smart Qarabağ” Hakatonu, “Take Off” Azərbaycan Startap Sammiti və “Rocket League” video oyunu üzrə Avropa Kiber İdman Kuboku keçirilib.
Bildirək ki, “Teknofest” Türkiyənin Sənaye və Texnologiya Nazirliyinin, eləcə də Selçuk Bayraktarın rəhbərlik etdiyi “Türkiye Teknoloji Takımı” (T3) Vəqfinin təşkilatçılığı ilə 2018-ci ildən etibarən hər il keçirilir və ilk dəfə bu il xaricdə – Azərbaycanda təşkil olunub.
