Somalinin paytaxtı Moqadişonun mərkəzində “Aş-Şabab” terror qruplaşması silahlılarının ölkənin Təhsil Nazirliyinin binasına hücumu nəticəsində ölənlərin sayı 100 nəfərə çatıb.
YALAN.info bildirir ki, bununla bağlı “Reuters” agentliyi ölkə Prezidentinə istinadən xəbər verib. Qeyd edilir ki, hadisə zamanı daha 300 nəfər yaralanıb.
Daha əvvəl bildirilirdi ki, hücum kamikadzenin nazirliyin qarşısında iki avtomobili partlatması ilə başlayıb. Bunun ardınca bir qrup silahlı binaya soxulub. Binanın içində silahlılarla təhlükəsizlik işçiləri arasında atışma olub. İndi bina polis və ordu hissələri tərəfindən əhatəyə alınıb.
