Koronavirus (COVID-19) infeksiyasına yoluxma sayındakı artım tendensiyası İtaliyanın böyük şəhərlərində Yeni il şənliklərinin ləğvinə səbəb olub.

YALAN.info Onlayn Xəbərlər və İnformasiya Saytı bildirir ki, Roma Bələdiyyəsi paytaxtda izdihamın qarşısını almaq üçün dekabrın 31-də keçirilməsi planlaşdırılan Yeni il konsertinin ləğv edildiyini açıqlayıb.

Ölkənin başqa böyük şəhəri Milanda isə Yeni il bayramı ilə əlaqədar ictimai meydanlarda heç bir tədbirin keçirilməyəcəyi bildirilib.

Kampaniya regionunun rəhbəri Vinçenzo De Luka bölgədə Yeni il gecəsi küçə şənliklərini, spirtli içkilərin satışını və ictimai yerlərdə sudan başqa qida və içkilərin istehlakını qadağan edib.

Milad və Yeni il bayramlarının yaxınlaşması ilə əlaqədar İtaliya hökuməti yoluxmaların sayında artım tendensiyasına diqqət çəkib və ictimaiyyəti ehtiyatlı olmağa çağırıb.

BİR CAVAB YAZ

Buyurun, açıqlamanızı yazın!
Buyurun, adınızı bura yazın