Azərbaycanın karate üzrə 5 qat dünya və 11 qat Avropa çempionu, Tokio-2020 Yay Olimpiya Oyunlarının gümüş mükafatçısı Rafael Ağayev peşəkarların mübarizə apardığı “Karate Combat“da ağır çəkidə titul görüşünə çıxıb.
YALAN.info bildirir ki, 37 yaşlı idmançı ABŞ təmsilçisi Reymond Denielslə üz-üzə gəlib.
Rəqibini məğlub edən Ağayev çempionluq kəmərini qazanıb. Döyüşdən sonra çıxış edən Rafael Ağayev bildirib ki, bu titul Azərbaycan xalqınındır. 35 yaşlı idmançı kəməri qazanmaq üçün çox çalışdığını bildirib: “Bir il səkkiz ay öncə anam vəfat edib. Bu, həmin vaxtdan sonra əldə etdiyim ilk qızıl medaldır. Mükafatı anama və xalqıma həsr edirəm. Arzuma çatdım və çempion oldum”.
Qeyd edək ki, Rafael Ağayev 2018-ci ildən “Karate Combat”da mübarizə aparır.
