Amerikalı məşhur aktrisa və model Pamela Anderson “PlayBoy” jurnalına çəkilməzdən öncə çox utancaq olduğunu etiraf edib.
YALAN.info bildirir ki, qlamur modellik işləri ilə tanınmış 56 yaşlı model bununla bağlı “One-on-One” jurnalının özəl buraxılışına müsahibəsində danışıb.
Anderson ilk dəfə 1989-cu ildə, aktrisalıq karyerasına başlamazdan bir müddət əvvəl “PlayBoy”un üz qabığında görünüb. O, bu çəkiliş təcrübəsini yada salaraq, təbii utancaqlığını aradan qaldırmaq üçün öz üzərində çox çalışmalı olduğunu etiraf edib.
“Bu çəkilişlər o qədər yorucu idi ki, içimdəki daxili mübarizə də məni qalan gücümdən məhrum edirdi. Mənə elə gəlirdi ki, o qədər yöndəmsizəm ki, model roluna qəti uyğun deyiləm. Ətrafımdakı hər kəsin çox gözəl olduğunu düşünürdüm və özümü onların sıralarında saxtakar kimi hiss edirdim”, – ulduz deyib.
