Kanada parlamentinin İcmalar Palatası Rusiya Ordusunun Ukraynadakı hərəkətlərini soyqırım kimi tanıyıb.
YALAN.info bildirir ki, “Reuters”in verdiyi xəbərə görə, kanadalı parlamentarilər uyğun bəyanatı yekdilliklə dəstəkləyiblər. Onlar Rusiyanın bəşəriyyətə qarşı sistemli və kütləvi hərbi cinayətlər törətdiyinə dair kifayət qədər sübutların olduğunu bildiriblər.
“Hərbi cinayətlərə Ukraynada dinc sakinlərin kütləvi şəkildə qətlə yetirilməsi, meyitlərin təhqir edilməsi, ukraynalı uşaqların zorla köçürülməsi, işgəncə və zorlama halları daxildir”, – bəyanatda deyilir.
Yada salaq ki, daha öncə Latviya və Estoniya parlamentləri Rusiyanın Ukrayna xalqına qarşı soyqırım törətdiyi tanıyan bəyanatlar qəbul edib. ABŞ da Rusiyanın Ukraynada hərəkətlərini soyqırım kimi tanıyacağını istisna etməyib.
