Ukraynanın “Kaluş Orkestra” (Kalush Orchestra) qrupu Eurovision Song Contest-2022 musiqi yarışmasında qalibiyyət nəticəsində əldə etdiyi mükafatı – kristal mikrofonu hərraca çıxarıb.
YALAN.info bildirir ki, bununla bağlı “Kaluş Orkestra” qrupunun Instagram səhifəsində məlumat yayılıb.
25 may tarixində hərrac elan edilib, gərgin mübarizə səbəbindən final 28-dən 29 maya keçirilib. İlk rəqəmi Kaluş sakinləri səsləndirib. Onlar 28 min dollar təkliflə çıxış ediblər. Onlar mükafatı qrupun aparıcı müğənnisinin məmləkətində saxlamağı planlaşdırırdılar. Ancaq 29 mayda canlı efir zamanı təklif edilən qiymət 45 mindən 900 min dollara qədər qalxıb.
Beləliklə, əfsanəvi mükafat Ukrayna kriptovalyuta birjası olan WhiteBIT-ə verilib. Komanda hərraca görə iştirakçılara təşəkkür edib. Əldə edilən gəlir Ukrayna Silahlı Qüvvələrinin ehtiyaclarına sərf ediləcək.
Yada salaq ki, “Stefania” mahnısı ilə Ukraynanı təmsil edən “Kaluş Orkestra” qrupu İtaliyanın Turin şəhərdə keçirilən 66-cı “Eurovision Song Contest-2022” mahnı yarışmasının qalibi olub. Bu yarışmada Azərbaycanı təmsil edən Nadir Rüstəmli “Fade To Black” adlı mahnısı ilə 16-cı yerdə qərarlaşıb.
