Finlandiya və İsveç mayın 16-dan 20-dək eyni vaxtda Şimali Atlantika Alyansına (NATO) üzvlük üçün müraciət edəcəklər.

YALAN.info bildirir ki, bununla bağlı “Iltalehti” qəzeti xəbər yayıb.

“Finlandiya və İsveçin NATO-ya müraciətləri 20-ci həftədə, yəni mayın 16-dan başlayan həftədə dərc edilməlidir. Həmin həftə, mayın 17-18-də Finlandiya prezidenti Sauli Niinistö Kral XVI Karlzın dəvəti ilə İsveçə səfər edəcək. Səfər çərçivəsində Finlandiya və İsveç dövlət rəhbərləri də görüşəcək və ölkələrin NATO-ya daxil olmağa hazır olduqlarını bəyan edəcəklər”, – nəşr vurğulayıb.

Yada salaq ki, Finlandiya və İsveç Rusiyanın Ukraynaya hərbi müdaxiləsi fonunda uzunmüddətli neytrallıqlarından əl çəkərək NATO-ya üzv niyyətlərini bildiriblər.

Rusiya XİN sözçüsü Mariya Zaxarovanın sözlərinə görə, Rusiya İsveç və Finlandiyaya NATO-ya üzv olacaqları halda onları hansı nəticələrin gözlədiyinə dair xəbərdarlıq edib. O bildirib ki, Avropa Birliyi ABŞ-ın təzyiqi ilə uzun müddətdir ki, İsveç və Finlandiyanı Şimali Atlantika Alyansına cəlb etməyə çalışır, müxtəlif “məşqlər və ya təlimlər adı altında hibrid tədbirlər” həyata keçirir.

“Biz bütün xəbərdarlıqlarımızı – həm ictimai, həm də ikitərəfli kanallarla etmişik. Onlar bu barədə bilirlər. Ona görə də təəccüblü heç nə yoxdur”, – M.Zaxarova deyib.

BİR CAVAB YAZ

Buyurun, açıqlamanızı yazın!
Buyurun, adınızı bura yazın