İyulun 1-də Türkiyə Prezidenti Rəcəb Tayyib Ərdoğan Türkiyə Silahlı Qüvvələrinin Suriya ilə sərhəddə gözlənilən xüsusi əməliyyatı ilə bağlı açıqlama verib. Türkiyə dövlət başçısının sözlərinə görə, hərbi əməliyyat hər an başlaya bilər.
YALAN.info bildirir ki, Türkiyə ilə Suriya sərhədində dünya mediasında əks olunmayan hadisələr baş verir.
Bunlar hansılardır? Fırtınadan öncəki sakitlik. Sərhəddən bir qədər aralıda Amerika, bir az irəlidə isə İran əsgərləri var. Burada Rusiya da var. Əsəd ordusunu da yada salaq. Və bura bir-biri ilə vuruşan islamçı qrupları, üstəlik də kürd olanları, hətta bu dövlətlərin proksi ordularını da əlavə etsək, Türkiyə sərhədlərində qəribə və dəhşətli mənzərə yaranır. Hamı hamının əleyhinədir, hamı Türkiyənin xüsusi əməliyyatına qarşıdır. Heç kim sülh istəmir. Hər kəs öz maraqlarını güdür. Sivil insanları isə düşünən yoxdur.
Türkiyəni və bölgəni nə gözləyir? Jurnalist Eynulla Fətullayevin Türkiyə-Suriya sərhədindən ilk reportajını oxucuların diqqətinə çatdırırıq.
