“İsveç və Finlandiyanın NATO-ya qoşulması və sonradan alyans bölmələrinin orada yerləşdirilməsi bu əraziləri Rusiya Ordusu üçün mümkün hədəflərə çevirəcək”.

YALAN.info bildirir ki, bununla bağlı Rusiya Federasiyasının BMT-dəki daimi nümayəndəsinin birinci müavini Dmitri Polyanski deyib.

“Onlar (İsveç və Finlandiya – Red.) bilirlər ki, NATO-ya qoşulduqdan sonra bu, Rusiyanın müəyyən cavab addımlarına səbəb olacaq ki, bu da adətən alyansın üzvü olan ölkələrə təsir edir. Bu o deməkdir ki, orada NATO bölmələri yerləşdirilsə, həmin ərazilər hədəfə, mümkün zərbə hədəfinə çevriləcək”, – deyə Polyanski bildirib.

Onun sözlərinə görə, NATO Rusiya üçün dost olmayan, düşmən blokdur: “NATO özü də Rusiyanın düşmən olduğunu etiraf edib. Bu o deməkdir ki, Finlandiya və İsveç birdən-birə neytral dövlətlərdən düşmənə çevrilirlər. Onlar da hamı kimi bütün riskləri öz üzərlərinə götürürlər.

Yəni onlar müdafiə sektorunda müəyyən risklər daşıyacaq, müəyyən iqtisadi xərclər çəkəcəklər. Ancaq qərarı onlar, əhalisi verəcək. Onlar bizimlə onilliklər ərzində normal qonşu kimi yaşadılar. Və birdən çox dost olmayan blokun bir hissəsi olmaq qərarına gəldilər. Təbii ki, biz müəyyən hərbi addımlar atmağa məcbur olacağıq”.

BİR CAVAB YAZ

Buyurun, açıqlamanızı yazın!
Buyurun, adınızı bura yazın