Böyük Britaniyanın Müdafiə Nazirliyi Prezident Vladimir Putinin [Rusiyanın] Ukraynaya olabiləcək müdaxiləsinin mümkün istiqamətlərini əks etdirən xəritə yayımlayıb.
YALAN.info Onlayn Xəbərlər və İnformasiya Saytı bildirir ki, sözügedən videoçarx Böyük Britaniya Müdafiə Nazirliyinin rəsmi “Twitter” səhifəsində yerləşdirilib.
Britaniya hərbçilərinin fikrincə, Rusiya qoşunları qərb bölgələrindən Kiyev və Dnepr, Krımdan Azov sahilləri boyunca və Belarus ərazisindən Kiyevə, eləcə də Krımdan Odessaya doğru hərəkət edəcəklər.
Onu da deyək ki, Böyük Britaniyanın Müdafiə Nazirliyi uyğun görüntülərin “yalnız illüstrativ məqsədlər üçün hazırlandığını” bildirib.
INTELLIGENCE UPDATE: We have seen no evidence that Russian forces are withdrawing from Ukrainian border regions.
— Ministry of Defence 🇬🇧 (@DefenceHQ) February 17, 2022
Russia retains a significant military presence that can conduct an invasion without further warning. pic.twitter.com/qTYrItLxCf
Britaniya XİN: Ukrayna ilə sərhəddə durum kritikdir
Böyük Britaniyanın xarici işlər nazirinin müavini Ceyms Kleverli BMT Təhlükəsizlik Şurasının Ukrayna üzrə toplantısında bildirib ki, Ukrayna ilə sərhəddə durum kritikdir, ancaq hələ də münaqişənin qarşısını almaq mümkündür.
Diplomat bildirib ki, London Rusiya qoşunlarının Ukrayna ilə sərhəddən çıxarılmasına dair heç bir sübut görmür. “Biz Rusiyanı danışıqlar aparmağa və Avropada sülh, təhlükəsizlik və sabitliyə uyğun hərəkət etməyə çağırırıq”, – diplomat qeyd edib.
