“Amerika Birləşmiş Ştatları Çinlə silahlı münaqişədən qorxmur və hesab edir ki, bunun qarşısını almaq olar”.
YALAN.info Onlayn Xəbərlər və İnformasiya Saytı bildirir ki, bununla bağlı ABŞ prezidenti Cozef Bayden (Joseph Biden) Qlazqoda BMT-nin İqlim üzrə Çərçivə Konvensiyasının 26-cı Konfransı çərçivəsində dövlət və hökumət başçılarının iki günlük sammitinin sonunda keçirilən mətbuat konfransında deyib.
Bayden qeyd edib ki, Vaşinqton və Pekinin birgə işləməsi gərək olan bir çox məsələlər var.
O, jurnalistin “Çinlə silahlı münaqişə sizi narahat edir?” sualını belə cavablandırıb: “Yox, narahat deyiləm. Münaqişəyə ehtiyac olacağını proqnozlaşdırmıram”.
“Mən açıq şəkildə bildirirəm ki, bu, rəqabətdir. Bu, münaqişə olmamalıdır”, – Amerika lideri vurğulayıb.
