Hələlik koronavirusa (COVID-19) qarşı spesifik dərman və vaksin yoxdur.

YALAN.info Onlayn Xəbərlər və İnformasiya Saytı bildirir ki, bunu Nazirlər Kabineti yanında Operativ Qərargahın keçirdiyi brifinqdə Vəli Axundov adına Elmi Tədqiqat Tibbi Profilaktika İnstitutunun direktoru, professor Adil Allahverdiyev deyib.

Onun sözlərinə görə, əgər vaksin dövriyyəyə daxil olarsa, onun nə qədər effektli olacağı da bilinmir:

“İndi vaksinin effekti ilə bağlı müxtəlif faizlər deyilir. Ancaq bu, könüllülərin qanındakı antitellərin miqdarını göstərir. Bu antitellər qanda nə qədər qalacaq – 1 ay, 2 ay – bu, hələ bilinmir”.

A.Allahverdiyev qeyd edib ki, xəstəliyə qarşı mübarizə kompleks tədbirlər tələb edir: “Profilaktik təbabət ən önəmlidir, profilaktik təbabət xəstələnmənin qarşısını alır. Ona görə də buna riayət edilməlidir. COVID-19 elə bir xəstəlikdir ki, ona qarşı müabrizə təkcə həkimlərin üzərinə düşmür. Bu istiqamətdə KİV-lər də geniş təbliğatlandırma işləri aparmalıdır”.

BİR CAVAB YAZ

Buyurun, açıqlamanızı yazın!
Buyurun, adınızı bura yazın