ABŞ administrasiyası “Sberbank” və “Alfa-Bank”a qarşı tam bloklayıcı sanksiyalar tətbiq edib.
YALAN.info bildirir ki, bununla bağlı ABŞ administrasiyasının yüksək rütbəli nümayəndəsi bildirib.
“Biz Rusiyanın ən böyük banklarının və Mərkəzi Bankının ABŞ-la hər hansı bir iş görməsini dayandırmaqla, bütün aktivlərini dondurmaqla maliyyə zərbəsini kəskin şəkildə gücləndiririk”, – nümayəndə deyib.
Qeyd edək ki, ABŞ xarici borcuna xidmət edə bilməməsi üçün Rusiyanı dollara çıxış imkanından məhrum etməyə çalışır.
ABŞ administrasiyasının yüksək rütbəli nümayəndəsi həmçinin Rusiya Prezidenti Vladimir Putinin “böyük uşaqları”, xarici işlər naziri Sergey Lavrovun həyat yoldaşı və qızı, eləcə də Rusiya Təhlükəsizlik Şurasının bir sıra üzvlərinə qarşı sanksiyalar tətbiq ediləcəyini açıqlayıb.
