Döyüş hazırlığı planına uyğun olaraq Azərbaycan Ordusu Hərbi Hava Qüvvələrinin (HHQ) təlim uçuşları keçirilib.
YALAN.info Onlayn Xəbərlər və İnformasiya Saytı bildirir ki, bununla bağlı Azərbaycan Respublikası Müdafiə Nazirliyinin Mətbuat Xidməti məlumat yayıb.
Məlumata görə, senariyə uyğun olaraq MiQ-29 tipli təyyarələrlə kiçik və orta hündürlüklərdə çətin pilotaj və döyüş manevrləri üzrə tapşırıqlar yerinə yetirilib.
Təlimlər zamanı pilotlar tərəfindən şərti düşmənin hava hücumundan müdafiə vasitələrindən yayınmaqla onun yerüstü hədəflərinin koordinatlarının təyin edilməsi və hava döyüşlərinin aparılması üzrə tapşırıqlar məşq olunub. Təlimlərdə qarşıya qoyulan tapşırıqlar uğurla yerinə yetirilib.
