Amerika Birləşmiş Ştatlarının Prezidenti Co Bayden (Joe Biden) öz səlahiyyətlərini müvəqqəti olaraq vitse-prezident Kamala Harrisə təhvil verəcək.
YALAN.info Onlayn Xəbərlər və İnformasiya Saytı bildirir ki, buna səbəb ABŞ liderinin xəstəxanada anesteziya qəbul etməsi olacaq. Səlahiyyətlər də məhz Baydenin anasteziyanın təsiri altında olduğu müddətdə vitse-prezidentə həvalə ediləcək.
Bu Bayden administrasiyasının hakimiyyəti dövründə səlahiyyətlərin vitse-prezidentə təhvil verilməsi ilə bağlı ilk hal olacaq. Bununla yanaşı həmçinin ABŞ-da ilk dəfə bir qadın qısa müddətə də olsa dövlət başçısı səlahiyyətlərini əlində cəmləşdirəcək.
