Ukrayna Prezidenti Volodimir Zelenski Rusiya Federasiyasının ölkəsinə hücumu ilə bağlı olaraq vətəndaşlara çətin həyat şəraitindən çıxmağa yardım edəcək humanitar və sosial məsələlər üzrə əlaqələndirici düşərgənin yaradılması haqqında fərman imzalayıb.
YALAN.info Onlayn Xəbərlər və İnformasiya Saytı bildirir ki, bununla bağlı dövlət başçısının mətbuat xidməti məlumat yayıb.
“Ukraynanın bir sıra şəhər və kəndlərində Rusiyanın hərbi müdaxiləsi ilə bağlı olaraq son dərəcə çətin humanitar vəziyyət yaranıb. Bir çoxları evlərini itirib, ya da su, yemək, dərman və zəruri tələbat mallarından məhrum olublar. Zərər çəkmiş vətəndaşlara yardımın effektiv göstərilməsi məqsədilə dövlət başçısı könüllülərin təşəbbüslərini, beynəlxalq humanitar təşkilatların humanitar ehtiyaclarının və ianələrinin Milli Bank tərəfindən özəl olaraq yaradılmış hesabdan maliyyələşməsini operativ şəkildə əlaqələndirəcək humanitar və sosial məsələlər üzrə koordinasiya düşərgəsi yaratdı”, – xəbərdə deyilir.
Düşərgə üç istiqamətdə çalışacaq: xarici hökumətlərdən və beynəlxalq təşkilatlardan humanitar yardım; böyük biznesdən hərbi idarələrə və icmalara yardım; hakimiyyət orqanlarından hərbi idarələrə və icmalara yardım.
Koordinasiya Düşərgəsinin başçısı vəzifəsinə Prezident Ofisinin rəhbəri Andrey Yermak təyin edilib.
