Ukrayna lideri Volodimir Zelenski Rusiya Prezidenti Vladimir Putinin Ukraynaya qarşı müharibəyə görə məsuliyyət daşıdığını və onu bitirə biləcəyini başa düşməsini istəyir.
YALAN.info bildirir ki, bununla bağlı Zelenski CNN telekanalının “The Situation Room” (Vəziyyət otağı) proqramının aparıcısı Volf Blitzerə (Wolf Blitzer) verdiyi müsahibəsində danışıb.
Aparıcının “Əgər Putin indi müsahibəyə baxsaydı, Zelenski ona nə deyərdi?” sualına Ukrayna prezidenti aşağıdakı cavabı verib:
“Mən onu konkret olaraq məlumatlandırılmağa ehtiyacı olan şəxs hesab etmirəm. Bizim ərazimizdə Rusiyanın başladığı qanlı müharibə gedir. Sadəcə, onun bunu xüsusilə etdiyini başa düşməsini istərdim. Anlasın ki, konkret olaraq buna son qoya bilər. Bütün mesaj bundan ibarətdir. Seçim artıq onundur: davam etmək, ya da son qoymaq”.
Zelenski həmçinin vurğulayıb ki, ukraynalılar sülh anlaşması və müharibənin başa çatması üçün Ukrayna torpaqlarından imtina etməyə hazır deyillər.
