“YouTube” internet platformasında 2 milyona yaxın abunəçisi olan “Wilderness Cooking” layihəsinin çəkiliş həyəti Şuşa şəhərində Cıdırdüzündə olub.
YALAN.info Onlayn Xəbərlər və İnformasiya Saytı bildirir ki, “Wilderness Cooking” kanalının məşhur aşpazı Təvəkkül, həmçinin çəkiliş heyəti 28 ildən sonra Azərbaycan Ordusunun işğaldan azad etdiyi Şuşa şəhərinin gəzməli-görməli yerlərini ziyarət ediblər.
Daha sonra məşhur aşpaz Cıdırdüzündə Azərbaycan milli mətbəxinin dadlı yeməklərini bişirərək öz ustalığını göstərib. Videonun açıqlama bölümüdə isə bunları vurğulayıb:
“Şərəf və ləyaqət duyğusu ilə heyrətamiz dünyaca tanınmış Cıdırdüzündə ləzzətli quzu və milli aşımızı bişirdim! Bu gün azadlığa çıxandan sonra ilk dəfə gözəl Şuşanı ziyarət etdim. 28 il davam edən zorakılıqdan, təcavüzkarların əlindən aldığı laqeydlikdən sonra şəhər diqqət və inkişaf istəyir. Yenə heyrətamiz Şuşanı azad və yeni görmək hər bir azərbaycanlı üçün əvəzolunmaz bir məmnunluq və şərəfdir. Üzeyir Hacıbəyov, Bülbül, Rəşid Behbudov, Xurşudbanu Natavan, Mir Möhsün Navvab, Qasım bəy Zakir, Süleyman Sani Axundov kimi bir çox dünya şöhrətli sənətkarların, şairlərin, musiqiçilərin evi Şuşa Azərbaycanın mədəniyyət mərkəzi olub və həmişə də olacaq. Dəniz səviyyəsindən 1400-1600 metr yüksəklikdə yerləşən Şuşa təbii gözəlliyi, qədim abidələri, görkəmli mədəniyyət nişanları, kitabxanaları və sənət evləri ilə seçilir.
28 illik həsrət bitdi və şəhər yenidən çiçəklənməyə hazırdır.
Canlarını qurban verənlərin xatirəsinə. Allah ruhlarına və ailələrinə səbr versin.”
