Ukraynalı tərtibatçılar qrupu Ukrainian fArmy oyununu yaratdı. Oyunda Z simvolikalı Rusiya Ordusunun texnikalarını tutmaq və xəritədə göstərilmiş yerə çatdırmaq lazımdır.
YALAN.info bildirir ki, Ukrainian fArmy oyununun yaradıcıları itch.io platformasında öz layihələrindən danışıblar.
Burada hər kəs Ukrainian fArmy oyununu yükləyə bilər. Oyun pulsuz paylanır, ancaq ianə olaraq tərtibatçılara istənilən məbləğdə pul göndərmək olar. Bütün toplanan vəsait Ukraynaya kömək üçün köçürüləcək.
“Rusiya-Ukrayna müharibəsi başladıqdan sonra adi ukraynalı fermerlər Rusiya hərbi texnikasını ələ keçirmək üçün traktorlarından istifadə edərkən tez-tez videoya çəkilirlər. Oyunda özünüzü Ukraynada döyüş meydanındakı ən dəhşətli döyüşçülərdən biri – ukraynalı traktor sürücüsü kimi hiss edə bilərsiniz. Zamanla rəqabət aparın: Rusiyanın “yüksək” dəqiqlikli artilleriya atəşindən yayınaraq və mümkün qədər çox Rusiya tankı, yük maşını və zirehli personal daşıyıcısını ələ keçirin”, – deyə yaradıcılar öz layihələrini təsvir edirlər.
Komanda ayrıca vurğulayır ki, oyun hələ də yekunlaşdırılır və təkmilləşdirilir. Bundan öncə UNIAN, Farmers Stealing Tanks adlı oyunun yaradılması haqqında yazmışdı. Burada da Ukraynalı traktorçu kimi Rusiya Ordusunun tanklarını tutmalı idi. Doğrudur, bu layihə birbaşa brauzerdə işə salındı və daha sadə görünürdü.
