“Rusiya Ukraynaya qarşı kimyəvi silahdan istifadə edə bilər”.
YALAN.info Onlayn Xəbərlər və İnformasiya Saytı bildirir ki, bunu NATO-nun baş katibi Yens Stoltenberq alyansın hərbi idarələrinin rəhbərlərinin Brüsseldə fövqəladə toplantısı ərəfəsində keçirdiyi mətbuat konfransında deyib.
Stoltenberq deyib ki, Rusiya Ukraynaya qarşı kimyəvi silahdan istifadəyə görə əvəzini ödəyəcək. Bununla belə, baş katib bunun qarşısını almaq üçün atılacaq konkret addımlardan danışmaqdan imtina edib.
Onu da yada salaq ki, bundan öncə Polşa Prezidenti Anjey Duda bildirib ki, Rusiyanın kimyəvi silahdan istifadə etməsi NATO-nu oyun qaydalarını dəyişməyə məcbur edəcək.
Jurnalistlərin NATO-nun müəyyən “qırmızı xətlərinin” olub-olmaması ilə bağlı sualına cavab olaraq baş katib Y.Stoltenberq bildirib ki, alyans indi Rusiya-Ukrayna müharibəsinin cəbhə xəttinin təşkilata nə qədər yaxın olduğunu və müəyyən insidentlərin baş verə biləcəyini anlayır: “Alyans öz sərhədlərindəki duruma nəzarət edir”.
