Qırğızıstan Respublikası Xarici İşlər Nazirliyi Çolponbek Sıdıkovun döyülməsiylə bağlı Qazaxıstana nota verib.
YALAN.info Onlayn Xəbərlər və İnformasiya Saytı bildirir ki, bununla bağlı Qırğızıstan Xarici İşlər Nazirliyi (XİN) məlumat yayıb.
Məlumata görə, bu gün Qazaxıstan Respublikasının Qırğız Respublikasındakı səfirliyinin konsulu XİN-ə dəvət edilmişdir. Görüşdə ölkə vətəndaşı Çolponbek Sıdıkovun Qazaxıstanda iğtişaşlar zamanı döyülməsinə görə nota verilib.
Qırğızıstan tərəfi notada yanvarın 9-da Almatı-Bişkeş yolunda saxlanılan Sıdıkovun qazaxıstanlı asayiş keşikçiləri tərəfindən döyüldüyü, nəticədə hər iki ayağının və qabırğalarının qırıldığını qeyd edib. O, Almatı xəstəxanalarından birində tapılaraq ötən gün Qırğızıstana qaytarılıb.
Bundan başqa, hadisənin bütün hallarının aydınlaşdırılması və bütün təqsirli vəzifəli şəxslərin məsuliyyətə cəlb edilməsi istənilib. Qırğızıstan XİN Çolponbek Sıdıqova ağır bədən xəsarəti yetirməsinə görə təzminatın ödənilməsi üçün hərtərəfli və obyektiv araşdırma aparılmasının zəruriliyinə diqqət çəkib.
Onu da bildirək ki, bundan başqa, Qırğızıstan bu ay ərzində Qazaxıstana iki dəfə nota verib.
