“Rusiyanı NATO-nun şərqə doğru genişlənməyəcəyinə söz verərək aldadıblar”.
YALAN.info Onlayn Xəbərlər və İnformasiya Saytı bildirir ki, bunu Rusiya Federasiyasının Prezidenti Vladimir Putin Macarıstanın Baş naziri Viktor Orbanla Kremldəki danışıqları bitdikdən sonra deyib.
“Bizə NATO blokunun şərqə doğru irəliləməyəcəyinə dair vədlər verilmişdi. Bunu hər kəs yaxşı bilir. Bu gün biz NATO-nun Polşa, Rumıniya, Baltikyanı ölkələrdə yerləşdiyini görürük. Bir şey dedilər, başqa cür etdilər”, – Putin bildirib.
Rusiya prezidenti yada salıb ki, bundan sonra ABŞ raketdən müdafiə sazişindən çıxıb: “Bunu etməmələri üçün onlarla uzun müddət danışıqlar apardıq. Bu, dünyada fundamental təhlükəsizlik müqavilələrindən biridir. Buna baxmayaraq, Birləşmiş Ştatlar etdiklərini etdi – onlar getdilər və indi raketdən müdafiə sistemləri Rumıniyada və Polşadadır. Onlar bunu hələ yaradılmayıbsa, indi yaradırlar”.
Putin qeyd edib ki, bu ölkələrdə MK-41 buraxılış qurğuları var ki, onların üzərində Rusiya ərazisini minlərlə kilometr əhatə edəcək “Tomahawk” zərbə sistemləri quraşdırıla bilər.
Rusiya lideri vurğulayıb ki, NATO-nun “açıq qapı” siyasəti hüquqi baxımdan tətbiq edilə bilməz:
“Deyirlər ki, bu, “açıq qapı” siyasətidir. Bu, harada yazılıb? Heç yerdə. Yanılmıramsa, 1949-cu il müqaviləsinin 10-cu maddəsində yazılıb ki, alyansın bütün iştirakçıları və üzvləri ilə razılaşaraq başqa Avropa ölkələrini də bu təşkilata qəbul edə bilər, ancaq məcbur deyil. Onun fikrincə, “indi həmin Birləşmiş Ştatlar, həmin NATO Ukrayna da daxil olmaqla başqa ölkələrə deyə bilər: “Biz sizin təhlükəsizliyinizi təmin etmək istəyirik, bunu dəyərləndiririk, arzunuza hörmət edirik. An sizi qəbul edə bilmərik, çünki bizim əvvəllər qəbul edilmiş başqa beynəlxalq məsuliyyətlərimiz var”. Ukrayna üçün anlaşılmaz və hətta təhqiredici nə var?”, – deyə Putin çaşqınlığını ifadə edib.
Onun sözlərinə görə, prosesin bütün iştirakçılarının: Ukraynanın, Avropa ölkələrinin və Rusiyanın maraqlarını və təhlükəsizliyini təmin etmək üçün bir yol tapmaq lazımdır. “Ancaq bunu yalnız bizim təklif etdiyimiz sənədlərə [təhlükəsizlik zəmanətləri haqqında] ciddi, düşünülmüş münasibətlə etmək olar”, – Putin deyib.
