Norveçli Maqnus Karlsen və rusiyalı Yan Nepomnyaşiy arasında Birləşmiş Ərəb Əmirliklərinin Dubay şəhərində keçirilən şahmat üzrə Dünya Çempionluğu uğrunda görüşdə ilk qələbə qeydə alınıb.
YALAN.info Onlayn Xəbərlər və İnformasiya Saytı bildirir ki, qarşılaşmanın VI turunda ağ fiqurlarla oynayan Karlsen 136-cı gedişdə Nepomnyaşiyi təslim olmağa məcbur edib.
Qarşılaşma 7 saat 45 dəqiqə davam edib. Bu qədər gediş şahmat tacı uğrunda partiyalarda rekord sayılır. Bundan öncəki rekord 1978-ci ildə keçmiş SSRİ təmsilçisi Anatoli Karpov və həmin vaxt vətəndaşlığı olmadan çıxış etən Viktor Korçnoy arasındakı qarşılaşmada oynanılıb. Həmin vaxt tərəflər 124 gediş etmişdilər.
Bu qələbədən sonra indiki dünya çempionu Karlsen ümumi hesabda 3,5:2,5 hesabı ilə önə çıxıb. Dekabrın 4-də baş tutacaq növbəti, VII turda Nepomnyaşiy ağ fiqurlarla oynayacaq.
Yada salaq ki, dekabrın 14-dək tərəflər toplam 14 dəfə üz-üzə gələcəklər. Bu oyunların sonunda heç-heçə qeydə alınacağı halda, sürətli şahmat üzrə 4 partiya keçiriləcək. Yenə qalib müəyyənləşməsə, öncə 2, ehtiyac yaranarsa, daha 5 blits partiya oynanılacaq. “Sülh” davam etsə, “Armageddon”a müraciət olunacaq.
Qalib Dünya Çempionu titulu ilə yanaşı 1,2 milyon avro, uduzan tərəf isə 800 min avro qazanacaq. Maqnus Karlsen 2013-cü ildə hindistanlı Vişvanatan Ananda qalib gələrək, karyerasında ilk dəfə dünya çempionluğuna yiyələnib. Karlsen daha sonra 3 dəfə titulunu qoruyub.
Dünya çempionu titulu uğrunda ilk final oyununu keçirən Nepomnyaşiy Rusiyadan olsa da, Rusiya bayrağı altında oynamır. Buna səbəb Ümumdünya Antidopinq Agentliyinin Rusiyaya qadağasının hələ də aktiv olmasıdir. Bu qadağa Rusiyanın bayrağı, adı və himninin səsləndirilməsinə icazə verilməyən dünya çempionatı səviyyəsində yarışan idmançılara şamil edilir.
İki finalçı bu qarşılaşmadan əvvəl 14 klassik oyun keçirmişdilər (4-1, Dünya Çempionu tituluna iddialı olan Yan Nepomnyaşiyin xeyrinə) və qarşıdakı üç həftə ərzində 14 oynamağı planlaşdırırlar ki, bu da öyrəşdiyimizdən iki partiya çoxdur. Son səkkiz titul qarşılaşmasında, 2006 və 2018-ci illər arasında, sürətli/blits taybrek başlamazdan öncə qarşılaşmada 12 partiya oynanılırdı.
Son titul qarşılaşmalarında olduğu kimi, tamaşaçılarla oyunçuları şüşə divar ayırır. Şüşə təbii olaraq birtərəfli şüşə deyil, ancaq tamaşaçı sahəsində işıqlar sönən kimi birtərəfli işləyir.
