Koronavirus (COVID-19) infeksiyasının yarada biləcəyi təhlükənin qarşısının alınması məqsədilə Bakıda gündəlik olaraq səhər saat 06:00-dan 08:00-dək, axşam saatlarında saat 21:00-dan 23:00-dək xüsusi kommunal texnikalar vasitəsi ilə şəhərin küçələri yuyulacaq.
Bununla bağlı Bakı Şəhər İcra Hakimiyyətinin Mətbuat Xidmətindən YALAN.info Online Xəbərlər və İnformasiya Saytına məlumat verilib.
Bundan başqa, gün boyunca yaşayış binalarının həyətlərində, giriş bloklarında, lift kabinlərində, pilləkən marşlarında, konteyner meydançalarında və sakinlərin daha çox istifadə etdiyi yerlərdə dezinfeksiyaedici işlər aparılacaq.
