Amerika Birləşmiş Ştatlarının (ABŞ) Kolorado ştatının Boulder çevrəsində meşə yanğınları nəticəsində məhv olan evlərin sayı, yenilənmiş məlumatlara görə, 600-dən 991-ə yüksəlib.
YALAN.info Onlayn Xəbərlər və İnformasiya Saytı bildirir ki, bununla bağlı Boulder çevrəsinin şerifi Co Pelle mətbuat konfransında bildirib.
Onun ofisindən yayılan məlumata görə, yanğınlar nəticəsində üç nəfər itkin düşmüş olaraq qalır.
İlkin versiyaya görə, meşə yanğınları ərazidə elektrik xətlərinin qırılmasından sonra yaranan qısaqapanma səbəbindən başlayıb. Küləkli hava nəticəsində alov çox sürətlə yayılıb. Xoşbəxtlikdən Kolorado tarixinin ən böyük yanğını kimi dəyərləndirilən təbii fəlakət bölgədə yağan qar sonrası söndürülüb.
